Manchester, 21 dhjetor - Manchester United besohet se ka arritur marrëveshje me sulmuesin e Dortmundit, Robert Lewandowski, për një transferim që do të ndodhë verën e vitit të ardhshëm.

Sir Alex Ferguson e kishte hedhur poshtë mundësinë që të ketë transfere në janar, por tashmë ai ka arritur marrëveshje me sulmuesin polak, që ai të kalojë verën e ardhshme në radhët e klubit nga Old Trafford.

Edhe Dortmundi besohet se është pajtura që sulmuesi të nënshkruajë me Unitedin, ndërsa marrëveshja mes dy klubeve ende nuk është arritur.

Besohet se të hollat të cilat United do t’i përfitojë nga shitja e Nanit te Interi, do të shkojnë në financimin e transferimit të Lewandowskit.