Munich, 24 shtator - Anësori i Bayern Munichut, Arjen Robben, thotë se fillimi i fuqishëm i sezonit të ri në Bundesliga do t’u shërbejë bavarezëve për përforcimin e dëshirës për ta fituar titullin.

Klubi më i madh gjerman ka 12 pikë pas katër ndeshjesh dhe është në rrugë të mbarë drejt suksesit në edicionin 2012/2013.

“Jemi në formë të shkëlqyer, organizimi ynë është i duhuri dhe ne po krijojmë shumë raste”.

“Që nga dita e parë parasezonale e kam pasur ndjenjën se jemi të uritur. Skuadra dëshiron të dëshmohet dhe të arrijë diçka”.

“Nuk kemi fituar titull që dy vite dhe kjo nuk është një ndjenjë e mirë”, ka thënë holandezi për Bundesliga.com.