Barcelonë, 17 gusht - Ribery ëndërron Topin e Artë Frank Ribery mendon se ka mundësi të mira për të fituar Topin e Artë FIFA, çmim që i jepet lojtarit më të mirë të sezonit.

“Kam qenë në një nivel shumë të lartë dhe kam fituar me Bajernin gjithçka që mund të fitohej. Këto janë argumente me peshë”, theksoi francezi në një intervistë për ‘Sport Bild’.

“Messi dhe Cristiano kanë shënuar më shumë gola, por unë kam fituar më shumë trofe. Në votime të tilla titujt janë shumë të rëndësishëm. Ata të dy janë lojtarë të mëdhenj, por unë mendoj se kam shanse shumë të mira për të fituar më në fund Topin e Artë”, tha Ribery.

Në katër vitet e fundit Topi i Artë i është akorduar yllit të Barcelonës Lionel Messi.