Madrid, 23 qershor - Atletico Madrid e ka refuzuar ofertën e Galatasarayt për mesfushorin e tyre Antonio Reyes, pas mbledhjes që u mbajt të martën mbrëma në Sevilla në mes të menaxherit të lojtarit, Mariano Aguilar dhe drejtorit sportiv të klubit spanjoll, Jose Luis Perez Caminero.

Të dyja palët kanë vendosur që ta refuzojnë ofertën e Galatasarayt, njofton klubi i Atletico Madrilen përmes faqes zyrtare.

Atletico Madrid konfirmon se nga klubi i Stambollit ka pranuar ofertë edhe për sulmuesin nga Uruguaj,Diego Forlan.

Ndërkohë, vetëm mbrojtësi Tomas Ujfalusi është transferuar tek Galatasaray.