Madrid, 5 korrik - Real Madridi është shumë pranë kompletimit të transferimit të anësorit të Benficas, Fabio Coentraos, pasi mediat portugeze flasin për një marrëveshje mes klubit spanjoll dhe portugez.

Coentrao besohet se ka nënshkruar kontratë pesëvjeçare me Real Madridin dhe një konfirmim zyrtar pritet të lëshohet shumë shpejtë nga gjiganti spanjoll.

Real Madridi ka refuzuar që të paguajë 30 milionë euro në dorë për Coentraon dhe prandaj përfshirja e Ezequiel Garay ka bërë që marrëveshja të jetë pranë finalizimit.

Zyrtarizimi i këtij transferimi pritet të bëhet sot.