Madrid, 11 shtator - Zyrtarët e Real Madridit do të mbajnë bisedime me Cristiano Ronaldon të mërkurën pas përfundimit të ndeshjeve kualifikuese të shtatorit.

Florentino Perez nuk ka arritur ta takojë ende portugezin sy më sy pas komenteve të tij bërë pas fitores ndaj Granadas.

AS shkruan se është organizuar një takim për të mërkurën, ku do të jetë i pranishëm edhe Jose Mourinho.

Manchester United dhe Manchester City po i monitorojnë zhvillimet nga afër, me shtypin anglez që raporton se klubet po përgatisin oferta të jashtëzakonshme për të joshur superyllin portugez.