Madrid, 14 dhjetor - Për interesimin e Real Madrid për Gareth Bale flitet tashmë prej muajsh, për të mos thënë prej vitesh.

Për \"Los Blancos\" mëngjarashi uellsian i Tottenham është një prej objektivave kryesorë të merkatos dhe për të bindur drejtuesit e klubit londinez madrilenët po përgatisin një ofertë që nuk mund të refuzohet.

Sipas asaj që shkruan portali \"fussball.ch\", Real Madrid pritet ti ofrojë \"Gjelave\" londinezë as më pak e as më shumë por plot 70 milionë euro.

Nëse palët arrijnë të gjejnë akordin atëherë kjo do të ishte një prej lëvizjeve më të shtrenjta të futbollit pas asaj të Cristiano Ronaldos, për të cilin Galaktikët paguan rreth 90 milionë euro për ta marrë nga Manchester United.