Madrid, 7 gusht - Real Madridi është i gatshëm të shesë mesfushorin brazilian Ricardo Kaka për vetëm 11 milionë euro, shkruan gazeta spanjolle “El Mundo Deportivo”.

Kaka në radhët e Realit u transferua dy vite më parë nga Milani për 65 milionë euro, por ai nuk ka arritur të gjejë veten te skuadra madrilene, pasi një pjesë të madhe të kohës ka qenë i lënduar.

Mediat italiane janë duke shkruar për një rikthim të Kakas në Milan, ndonëse zëvendëspresidenti i skuadrës kampione të Italisë, Adriano Galliani, ka bërë të ditur se skuadra e tij nuk do të jetë në gjendje të paguajë rrogën e futbollistit.