Madrid, 17 tetor - Trajneri i Real Madridit, Jose Mourinho nuk ka dyshime se po punon me klubin më të madh në botë.

Kjo deklaratë e tij ka ardhur gjatë një interviste për një kanal televiziv lokal në Spanjë.

Real Madridi kishte rënë në vendin e tretë të listës së revistës Forbes për klubet më të vlefshme, me Manchester Unitedin para klubit nga Bernabeu. Sidoqoftë, kjo nuk vlen për portugezin.

\"Kemi anketa të ndryshme. Pa marrë parasysh se cili vend është, Real Madridi është klubi më i rëndësishëm në histori të futbollit\", deklaroi Mourinho.