Madrid, 11 gusht - Skuadra e Real Madridit ka shprehur interesim për mbrojtësin e krahut të Milanit, italianin Mattia De Sciglio. Lajmi është bërë i ditur të shtunën nga gazeta spanjolle \"Marca\".

Sipas gazetës, trajneri i Realit, Carlo Ancelotti, adhuron lojën e De Sciglios dhe tashmë ka bërë gati ofertën për transferimin e tij.

Ancelotti është i gatshëm t\'i paguajë skuadrës së Milanit një dëmshpërblim prej 12 milionë eurosh.

De Sciglio 20-vjeçar, ka kontratë me skuadrën italiane deri në qershorin e vitit 2016. Ai po ashtu mund të luajë pa asnjë problem edhe në krahun e majtë të mbrojtjes dhe llogaritet si Paolo Maldini i ri.