Madrid, 21 mars - Sergio Ramos thotë se nëse do të kishte mundësi që ta sjell një lojtar të Barcelonës në Real Madrid, ai do të ishte pa dyshim Sergio Busquets.

Mbrojtësi spanjoll beson se kolegu i tij nga përfaqësuesja e Spanjës do ta përforconte ekipin nga Santiago Bernabeu, ku do të luante për mrekulli përkrah Xabi Alonsos.

“Janë shumë futbollistë që më pëlqejnë, por njëri për të cilin kemi nevojë është Busquets”, ka thënë Ramos për Cadena Cope.

“Xabi Alonso po luan në shumë ndeshje tash dhe një lojtar si Busquets do ta ndihmonte atë. Janë edhe lojtarët si Iniesta dhe Messi, por ata është e pamundur t’i shohësh në fanellën e Realit”, tha Ramos.