Madrid, 24 shkurt - Reali interesohet për futbollistin e Manchester United. Chicharito nuk është i kënaqur me minutat e luajtura sivjet në Manchester United, pasi që menaxheri ser Aleks Ferguson përparësi u jep Robin van Persit dhe Wayne Roonyt.

Në anën tjetër, sulmuesit e “klubit mbretëror” Karim Benzema dhe Gonzalo Higuain janë futbollistë që kanë vendin në ekipin e parë të Realit, kështu që është pikëpyetje e madhe se sa kohë do të angazhohej meksikani i Unitedit në “Santiago Bernabeu”.

Hernandez në këtë sezon i ka luajtur 26 ndeshje për “djajtë e kuq” dhe ka shënuar 15 gola.

Ferguson bëhet sikur nuk do ta shes Chichariton, por nëse gjatë verës arrin ta sjell futbollistin e Borussisë, Rober Levandovskin, mund të ndodhë që meksikani të ikën nga Manchesteri.