Madrid, 24 mars - Real Madridi ka nisur negociatat me sulmuesin e Evertonit, Romelu Lukakun.

Mediat spanjolle të afërta me ekipin madrilën raportojnë se “Los Blancos” kanë nisur bisedimet me agjentin e lojtarit, Mino Raiolan.

Skuadra “merenguese” verën që vjen pritet të bëjë disa super-transferime dhe siç shkruajnë mediat e atjeshme, Lukaku, i cili po bën një super sezon me Evertonin është në listën e gjigantit spanjoll.

Real Madridi është gati t’i investojë 60 milionë euro për Lukakun, i cili monitorohet edhe nga disa klube tjera të mëdha evropiane.