Madrid, 22 tetor - Ka filluar tashmë puna për merkaton e janarit në shtëpinë e Real Madrid.

Sipas asaj që raporton "El Mundo Deportivo", trajneri i "Los Blancos" Jose Mourinho do të tentojë ti rrëmbejë Chelsea-t mbrojtësin anglez Ashley Cole, të cilit i skadon kontrata me kampionët në fuqi të Europës.

Për mëngjarashin britanik nevojitet një investim prej rreth 7 milionë eurosh por më parë Real Madrid do të duhet të mposhtë konkurrencën e Paris Saint Germain , Milan dhe Juventus, që prej kohësh interesohen për lojtarin.