Madrid, 23 mars - Me një Neymar që tashmë mund të llogaritet si një “mundësi e humbur” drejtuesit e Real Madrid janë hedhur në sulm për të siguruar shërbimet e një tjetër talenti brazilian i cili mban emrin e Douglas Baggio.

Sipas shtypit spanjoll, “Los Blancos” janë duke e ndjekur nga pranë talentin 17 vjeçar , aktualisht në sulmin e Flamengo.

Është një lojtar i cili ndiqet dhe nga klube të tjera si Chelsea, Napoli dhe Milan.

Baggio, është shprehur shumë herë se ndjek shumë shembullin e Cristiano Ronaldos dhe verën e ardhshme ai mund të luajë pikërisht përkrah portugezit në skuadrën e Real Madrid.