Madrid, 13 nëntor - Sipas asaj që raporton tabloidi britanik \"Daily Mirror\", edhe Real Madrid ka filluar të interesohet për Wilfred Zaha, sulmuesi i Crystal Palace në Championship, i cili sapo është thirrur edhe nga Kombëtarja e Anglisë.

Trajneri i \"Los Blancos\", Jose Mourinho ka dërguar në Angli disa prej emisarëve të skuadrës për të ndjekur nga afër futbollistin, që cilësohet si një prej talenteve më të mëdhenj të momentit.

Zaha është vetëm 20-vjeç dhe ndiqet edhe nga klubet e Arsenal, Chelsea, Manchester City dhe Tottenham. Për kartonin e tij Crystal Palace kërkon 20 milionë sterlina.