Madrid, 30 korrik - Real Madridi e ka ndërmend të përforcohet në qendër të mbrojtjes. Sipas të përditshmes italiane, La Gazzetta dello Sport, gjiganti spanjoll ia ka mësyrë mbrojtësit të Juventsit, Giorgio Chiellini.

Gjithnjë sipas kësaj të përditshmeje, ‘Los Blancos’ i kanë bërë gati 20-22 milionë euro, vetëm për ta bindur Juventusin që ta lëshojë përfaqësuesi italian.

Klubi madrilen do të mundohet ta bind edhe 28 vjeçarin që ta pranojë ofertën, duke ia ofruar atij një kontratë katërvjeçare me 4,5 milionë euro në sezon.

Për momentin, Bianconeri nuk janë të interesuar ta shesin Chiellinin, i cili ka edhe dy vjet kontratë me klubin torinez. Përpos rolit të qendërmbrojtësit, ai mund të luajë edhe në krahun e majtë.