Madrid, 16 shkurt - Chelsea është duke pritur lajme nga Real Madridi rreth situatës së Gonzalo Higuain.

E përditshmja spanjolle \"AS\" bën të ditur se Reali është duke u përgatitur ta shesë argjentinasin në fund të sezonit, nëse ata gjejnë një zëvendësues ideal për të.

Trajneri i Chelseat, Andre Villas-Boas, është një admirues i Higuain dhe bëri përpjekje për ta sjellë argjentinasin në Stamford Bridge që në merkaton e janarit por pa ia arritur qëllimit.

Juventusi po ashtu është i interesuar në lojtarin, edhe pse burime thonë se nënshkrimi me sulmuesin e Romës, Marco Borriello, ka hequr Higuainin nga lista e dëshirave të Zonjës së Vjetër.

Gjithsesi, duhet pritur merkatoja e verës për të mësuar akoma më shumë rreth të ardhmes të Gonzalo Higuain.