Madrid , 6 shkurt - Edinson Cavani ka pranuar ofertën nga Real Madridit. E përditshmja spanjolle Sport shkruan se sulmuesi uruguaian do ta vesh fanellën ‘Los Blancos’ nga sezoni i ardhshëm.

Gjithnjë sipas kësaj të fundit, bisedimet në mes të palëve kanë avancuar dhe futbollisti i Napolit mund të transferohet në Santiago Bernabeu gjatë verës.

Mediat spanjolle shkruajnë se presidenti Florentino Perez është i gatshëm t’i paguajë 50 milionë euro për ‘El Matador’, i cili është preferuar më shumë se objektivat tjerë si Falcao, Neymar, Rooney apo Aguero. Për Cavanin, interesim ka shfaqur edhe PSG.