Madrid, 23 gusht - Real Madrid “rrëmbeu” trofeun “Santiago Bernabeu” për këtë vit. “Los Blancos” ashtu siç pritej e patën të lehtë ndaj Al-Saad, ku fituan me rezultatin e thelle 5-0. E veçanta e ndeshjes ishte prania në fushën e lojës së legjendës, Raul, i cili veshi pas kaq kohësh fanellën e bardhe, ku mbajti numrin 7.

Ishte pikërisht 36-vjeçari, ai që hapi serinë e golave për madrilenët, që çoi në këmbë një stadium të tërë teksa tifozët treguan një mbështejte të jashtëzakonshme për spanjollin.

Në pjesën e dytë Isco dyfishon rezultatin në minutën e 59’, për të vazhduar më pas me Benzema që realizoi nga pika e bardhë e 11 metershit, si dhe dy golat e Jese në minutat 82’ e 87’.

Raul: Ronaldo, investimi më i mirë i Realit, shpresoj se do të qëndrojë në Madrid
Legjenda e Real Madridit, Raul i ka bërë thirrje Cristiano Ronaldos që të qëndrojë në Madrid. E ardhmja e asit portugez akoma nuk është qartësuar, sepse portugezi dhe Real Madrid ende nuk e kanë gjetur gjuhën e përbashkët për rinovimin e kontratës së re.

Ish ikona e “mbretërve”, Raul mendon se Ronaldo duhet të qëndrojë në “Santiago Bernabeu”, sepse sipas tij, portugezi ka qenë investimi më i mirë i viteve të fundit i klubit madrilen.

“Unë shpresoj se Cristiano do të qëndrojë. Ai ka qenë investimi më i mirë nga Real Madridi në vitet e fundit. Ai më të vërtetë është i uritur për trofe, i lodhur pa fituar tituj, por shpresoj se ai do të rinovojë kontratën. Nëse ai do të qëndron, atëherë Madridi do të jetë shumë i lumtur”, ka thënë Raul për “Marca”.

Ish reprezentuesi spanjoll ka folur edhe për transferimin e mundshëm të yllit të Tottenhamit, Gareth Bale.

“Ai është një lojtar dominues, e bën ndryshim dhe pas Ronaldos dhe Messit është lojtari më i rrezikshëm. Të gjitha klubet do të dëshironin që ta kenë atë në skuadër.

Duket se Real Madridit për të bërë një investim të madh dhe nëse ai do të vjen, atëherë i gjithë Madridi do të jetë i lumtur”, tha ai.