Londër, 26 prill - Janë bërë të ditura përballjet e para që do të zhvillohen në turneun e futbollit në Lojërat Olimpike “Londra 2012”.

Në sytë e të gjithëve ishte ish futbollisti më i mirë në botë, sulmuesi brazilian, Ronaldo, i cili edhe zbuloi emrat e kombëtarëve respektove, që do të jenë të ndara në katër grupe.

Përfaqësuesja e Zvicrës, e cila pritet ët ketë në mesin e vet edhe disa futbollistë shqiptar, si Xherdan Shaiqi, Granit Xhaka, Valon Behrami etj, do të jetë pjesë e Grupit B, ku për rivalë do t’i ketë Meksikën, Koren e Jugut dhe Gabonin.

Në këtë Zvicra do të ketë punë me kombëtare që vionë nga shtet joevropiane dhe mund të vlerësohet favorit për të kaluar grupin.

Grupi A vlerësohet të jetë më i forti ku do të përballen: Anglia, Uruguai, Senegali dhe Emiratet e Bashkuara Arabe.

Nikoqirët e Britanisë së Madhe të cilët do të marrin pjesë për herë të parë në Lojërat Olimpike pas vitit 1960-të, ndeshjen e parë do ta zhvillojnë kundër Senegalit.

Ndërkaq në Grupin C, superfuqia e futbollit, Brazili do të garojë me Egjiptin, Bjellorusisë dhe Zelanda e Re. Brazili në ndeshjen e parë do të luajë kundër Egjiptit.

Pesë herë kampionët e botës në futboll në historinë e tyre nuk kanë arritur që të triumfojnë në një Olimpiadë.

Ndeshja do të zhvillohet më 26 korrik në stadiumin “Milenium”, një ditë para hapjes solemne të Lojërave Olimpike. Në grupin e fundit, grupin D do të luajnë kampioni i Botës dhe Evropës, Spanja, pastaj Japonia, Hondurasi dhe Maroko. Kampioni në fuqi nga viti 2008 në Pekin,

Argjentina nuk do të merr pjesë në Londër.

Edhe pse turneu i futbollit në lojërat olimpike ishte në të kaluarën ishte lënë nën hijen e sporteve tjera, për faktin që përfaqësueset nuk kanë të drejtë të ftojnë më shumë se tre futbollistë mbi moshën 23 vjeçare në këtë eveniment, këtë radhë pritet të ndryshojnë raportet.

FIFA së fundi i ka urdhëruar skuadrat që të mos ndalojnë asnjë futbollistë, i cili do të ftohet për pjesëmarrje, e që në ta kaluarën janë varë nga vullneti i klubeve.