Paris, 10 janar - Paris Saint German (PSG) është duke ndarë një shumë të konsiderueshme për ta transferuar superyllin e Real Madridit, Cristiano Ronaldo.

“Cristiano Ronaldo? Paris Saint Germain është bërë një klub ku çdo gjë është e mundur. Por sidoqoftë ai e ka një kontratë me Realin dhe mendoj se do ta respektojë ato”, ka thënë Leonardo, drejtor për transfere te PSG-ja.

“Kur jemi duke biseduar për një transferim të mundshëm të Ronaldos aty janë vetëm dy apo tre ekipe që mund ta transferojnë. PSG-ja është njëra prej tyre”.

PSG është në krye të tabelës në ligën e Francës pas shpenzimeve të mëdha që bëri në afatin kalimtar të verës në vitin e kaluar, ku transferoi Zlatan Ibrahimovic dhe Thiago Silva.

Kurse Real Madridi pozicionohet e treta në La Liga dhe ka mbetur 16 pikë prapa liderit, Barcelonës.

Ronaldo i habiti gjigantët spanjoll më herët gjatë sezonin kur tha se është i palumtur në klubin ku ai luan.

“Jam i pikëlluar dhe klubi e di këtë, për këtë arsye unë nuk festojë golat”.

Ronaldo i është bashkuar Madridit nga Manchester United në vitin 2009 për një shumë rekorde prej 93 milion eurove.