Paris, 26 nëntor - Sipas asaj që raporton sot francezja \"L′Equipe\", miliarderi i ri i Paris Saint Germain kërkon të sjellë në Francë sulmuesin uruguajan të Napolit, Edinson Cavani.

Lojtari që po tërheq Napolin drejt suksesit, deri tani me katër gola të shënuar në Champions League, Cavani pëlqehet nga gjysma e Europës, me Manchester City që ditët e fundit ka bërë përpara rreth kësaj çështjeje.

Por sot vjen edhe oferta \"shokuese\" e PSG. Për të larguar Cavanin nga Napoli, ekipi i Leonardo është i gatshëm të paguajë plot 75 milion euro.

Vetë braziliani për mikrofonat e Radio Montecarlo nuk e përgënjeshtroi diçka të tillë: \" PSG është sot një klub që preferohet dhe shumë lojtarë duan të veshin fanellën e tij\"