Paris, 10 dhjetor - Paris SG është gjithmonë e më pranë sigurimit të shërbimeve të Wesley Sneijder, ndërsa sipas shtypit italian, tashmë ekziston një ofertë konkrete.

Në përpjekje për të mposhtur konkurrencën e Manchester United, skuadra e Ancelottit ka ofruar 12 milionë euro, plus një përmirësim page për holandezin, që do të përfitojë 6,5 milionë në vit.

Ndonëse bisedimet janë ende në fazën paraprake, shitja e Snejder do t’i hapte dyert blerjes së talentit brazilian Paulinho.

Për yllin e Corinthiasit, interesim ka shprehur më parë pikërisht Paris SG, por si pjesë e operacionit Sneijder, do të lejohej që Paulinho të kalonte në Milano.

Një skemë të tillë e konformoi edhe një deklaratë e të riut, që në shtypin brazilian tha: “Nuk kam marrë asnjë ofertë nga ana e Parisit, ndërsa Interi ka bërë një propozim”.