Paris, 11 qershor - Paris San Germain (PSG) është duke kërkuar një teknik të ri për të zëvendësuar Carlo Ancelotin në rast largmi.

Kampionët e Francës etiketojnë emrin e holandezit, Guus Hiddink i cili ka edhe një vit kontratë me Anzhin.

66 vjecari është I fundit në listën e gjatë të teknikve që kërkohen për sezonin e ardhshëm pas Capellos, Benitez dhe Blanc.

Kontrata e holandezit ka në pagë prej 10 milion eurosh neto dhe një profil shumë të ngjashëm me Carlo Ancelottin.

Por nëse Guss Hiddink ka nisur bisedimet me parizienët, Reali i Madridit nuk ka kohë të gëzohet për lirimin e Carlo Ancelottit nga parizienët, sepse një tjetër skuadër franceze kërkon t’i rrëmbejë lojtarin më të lakmuar të kësaj merkatoje.

Bëhet fjalë për Monacon e manjatit rus Dmitry Rybolovlev, për të cilin Cristiano Ronaldo ëshyë kthyer në obsesion. Duke synuar që ta transformojë principatën në qendrën e rëndesës së futbollit francez duke thyer çdo llogjikë biznesi në këtë sport.

Sipas burimeve ende të pakonfirmuara, Monaco i ofron numrit 7 plot 23 milionë Euro në sezon dhe të drejtën e menaxhimit të të drejtave të imazhit të tij.

Një propozim i çmendur që e bën qesharake ofertën e Realit të Madridit që i ofron luzitanit 14 mln euro në sezon për ta rinovuar kontratën deri në vitin 2018.

Nëse Ronaldo i thotë “po”, ofertës atëherë ai do të bëhej futbollisti që përfiton më shumë, duke ia kaluar edhe Samuel Eto’o-së, i cili përfiton rreth 20 mln Euro në sezon nga një tjetër manjat rus, Suleyman Kerimov i Anzhi Makhachkala.