Paris, 20 nëntor - Inter ndjehet akoma në pole-position përsa i përket transferimit të Paulinhos.

Mesfushori i Brazilit dhe Corinthians, sipas disa mediave ndërkombëtare, është edhe nën vëzhgimin e Paris Saint Germain, të cilët duan të bëjnë me zikaltrit atë që bën në verë me Lucas Moura.

Sipas "Corriere dello Sport", francezët kanë gati 19 milionë euro, aq sa vlen edhe kartoni i tij por sipas të njëjtës gazetë Massimo Moratti ka gati një buxhet ekstra për të mbyllur marrëveshjen.

Për të mbajtur gjallë shpresën zikaltër ka ndihmuar edhe Drejtori Sportiv i Corinthians, Roberto de Andrade, i cili në një intervistë për "Lancenet" ka deklaruar:

"Mund t'iu sigurojë që nuk ka asgjë të kryer me PSG-në. Paulinho është futbollisti ynë, nuk kemi marrë ende asnjë ofertë dhe nuk kemi folur me asnjë klub".