Paris, 13 qershor - Paris Saint German (PSG) raportohet se është gati t’ia prishë planet Real Madridin për transferimin e yllit të Tottenhamit, Gareth Bale.

Daily Mail shkruan se PSG është gati të mposhtë Realin në garën 100 milionë euroshe për të nënshkruar me Bale.

Kampioni i Francës është duke kërkuar menaxherin e Tottenhamit, Andre Villas-Boas, dhe shpreson se ardhja e tij do ta ndihmojë klubin ta transferojnë edhe Balen.

Megjithatë, edhe nëse Villas-Boas zgjedh të qëndrojë në Londër, kjo nuk do të prishë vendosmërinë e PSG për të fituar garën për nënshkrimin e Bale dhe të paguajë shumën rekorde për ta transferuar atë.

Rekordi i transferimit për momentin mbahet nga ylli i Real Madridit, Cristiano Ronaldo, i cili i kushtoi klubit spanjoll 94 milionë euro ku kaloi katër vite më parë nga Manchester United.