Torino, 6 prill - Zlatan Ibrahimoviç gjatë afatit kalimtar të verës ka gjasa të rikthehet te skuadra e Juventusit.

Këtë e kanë konfirmuar edhe drejtuesit e ‘Zonjës së Vjetër’, Pavel Nedved dhe Giuseppe Marotta.

Ndërkohë, Andera Pirlo ka thënë se çdo ekip do të përmirësohej me një golashënues si përfaqësuesi i Suedisë, duke e mirëpritur në Juventus.

“PSG-ja është një ekip fantastik. Dhe Ibrahimoviç është një lojtar i madh. Ai është i mahnitshmëm”, ka thënë Pirlo, për të përditshmen sportive Tuttosport.

Sipas mediave italiane sulmuesi është dakord të rikthehet në Itali, pasi në Paris nuk po gjen ambientin e duhur për t’u përshtatur. Gjithashtu Ibrahimoviç duket se nuk është i tërhequr nga kampionati francez.