Madrid, 22 tetor - Sipas asaj që shkruan gazeta sportive katalanase "El Mundo Deportivo", Real Madrid ka vendosur të futet seriozisht në garë për të sjellë në "Santiago Bernabeu" yllin kolumbian të Atletico Madrid, Radamel Falcao.

Për të bërë të mundur afrimin e "El Tigre", Galaktikët janë të gatshëm të sakrifikojnë sulmuesin francez Karim Benzema.

Javët e fundit janë shtuar shumë kërkesat për Radamel Falcao. Vetëm dje Manchester City ofroi rreth 60 milionë euro për kartonin e tij, ndërsa francezët e Paris Saint Germain 48 milionë.