Paris, 18 prill - Evian Thonon Gaillard e ka eliminuar Paris Saint Germainin nga Kupa e Francës pas ekzekutimit të penaltive.

Në takimin e zhvilluar në Parc des Sports, mysafirët kaluan të parët në epërsi me anë të Javier Pastores (8’), i cili u asistua nga Christophe Jallet.

Saber Khlifa e barazoi rezultatin (44’) dhe me shifra identike u mbyll koha e rregullt e takimit.

Edhe pas vazhdimeve nuk pati gola, ashtu që penaltitë e vendosën fituesin.

Më të saktë nga pika e bardhë u treguan futbollistët e Evianit, të cilët u kualifikuan në gjysmëfinale të Coupe De France. (Vetëm Lavezzi shënoi te PSG, Ibra e Thiago Silva dështuan).