Paraqitje e mirë e gjimnasteve kosovar në Itali
Këto gjimnaste kanë marr pjesë në “Gold Artistic Gymnastics Championship 2018” zhvilluar në Civitavecchia (RM) Itali, kurse paraqitja e tyre ka qenë pozitive për faktin se ishte hera e parë që merrnin pjesë në një aktivitet ndërkombëtar.
“Pjesëmarrja ishte një sukses për klubin tonë, pasi ishte aktiviteti i pare jashtë vendit, edhe pse klub ynë i ka vetëm 1 vit e 6 muaj ushtrime. Pavarësisht pengesave dhe vështirësive të shumta që kemi pasur për të shkuar në këtë aktivitet, ne arritëm të jemi pjesë e tij, duke u përballur me emocione të reja dhe me një infrastrukture olimpike, gjë e cila i mungon vendit tonë”, thuhet në njoftimin e KGJ “Elita”.
Sipas njoftimit paraqitja e vashave në përgjithësi ishte e mirë, por emocionet, përshtatja me veglat gjimnastikore, mënyra e zhvillimit të aktivitetit, pati një ndikim te sportistet, duke bërë që ato të mos e japin maksimumin e tyre.
“Gjimnastja që ishte më afër zonës së medaljes ishte Vilëza Zeqiri, e cila u rendit e katërta në kapërcime, pa harruar edhe Valezën, Borën, Amelën të cilat nderuan ngjyrat e flamurit të Kosovës, por njëkohësisht ato janë tepër premtuese për të ardhmen e sportit të gjimnastikës”, thuhet në njoftimin e klubit “Elita nga Prishtina.
