Paris, 6 qershor - Festa e Nicës në Ligën 1 të Francës për kualifikimin në Europa League është shndërruar në një dramë të vërtetë.

Ambienti i klubit kuq e zi është tronditur nga lajmi i aksidentimit të mesfushorit të saj, Kevin Anin.

Ky i fundit ka qënë viktimë e një aksidenti me makinën e tij ku është rrotulluar disa herë e më pas ka dalë nga rruga dhe për pasojë futbollisti nuk mund të ecë më.

Përplasja ka bërë që Anin të thyejë dorën dhe të pësojë një dëmtim të rëndë në shtyllën kurizore, duke bërë që i riu të rrezikoj seriozisht paralizën totale.