Madrid, 25 gusht - Real Madrid po mendon seriozisht shitjen e Mesut Ozil. Fantazisti turko-gjerman duket se është lënë në hije pas mbërritjes në \"Santiago Bernabeu\" të talentit spanjoll Isco dhe atij të uellsianit Gareth Bale (që pritet të prezantohet së shpejti).

Sipas asaj që shkruan \"Daily Star\", për ish yllin e Werder Bremen interesohen kampionët e Anglisë, Manchester United, të cilët i ofrojnë \"Los Blancos\" plot 35 milionë euro për kartonin e tij.

Merkatoja e verës është futur në javën e fundit të saj dhe në orët në vijim priten zhvillime të reja.