Madrid, 25 tetor - Mediat spanjolle shkruajnë se Real Madridi nuk e ka ndërmend t’ia vazhdojë kontratën Cristiano Ronaldos.

Yllin portugez e lidh një kontratë e majme me madrilenët deri në vitin 2015, por sipas të përditshmes spanjolle Sport.es, ‘Los Merengues’ vlerësojnë se ish futbollisti i Manchester Unitedit me kohë do t’i humb kualitetet që e bëjnë fenomen, shpejtësinë dhe eksplozivitetin.

Nëse këto spekulime konfirmohen si të vërteta, vitin e ardhshëm Reali mund t’ia mësyjë dyshes Radamel Falcao e Gareth Bale, ndërsa portugezi mund ta lë Santiago Bernabeun.