Berlin, 1 shtator - Manuel Neuer do ta bartë shiritin e kapitenit te kombëtarja gjermane.

Pas pensionimit të Bastian Schweinsteiger, trajneri Joachim Low ka përzgjedhur kapitenin e ri në kombëtare.

Është portieri, Neuer, pasardhës i Schweinit i cili në ndeshjen e mbrëmshme ndaj Finlandës është përshëndetur nga ‘pancerat’.

“Si reprezentacion mund të them se jemi me fat që kemi shumë futbollistë që kanë profilin e duhur për t’u bërë kapiten”, ka deklaruar Low.

“Për mua Neuer është pasardhësi më i mirë i mundshëm i Schweinsteiger”.

“Ai ka gjithçka që duhet për të qenë kapiten i kombëtares”, ka shtuar Low.

Neuer do të jetë kapiten që në ndeshjen e së dielës ku Gjermania do të ndeshet me Norvegjinë në kualifikimet për Botërorin ‘Rusi 2018’.