Napoli, 14 qershor - Napoli është duke u munduar ta gjejë një mënyrë se si të arrijë deri tek Stephan El Shaarawy, sulmues i talentuar i Milanit.

Sipas të përditshmes italiane Corriere dello Sport, klubi nga San Paolo është i gatshëm t’ia ofrojë Milanit 30 milionë euro, plus kartonin e Blerim Xhemajlit, për ta bindur klubin Rossoner që t’ia shesë yllin e ri italian.

Me këtë rast, nëse ndodh ky transferim – shkëmbim, El Shaarawy do të paguhej 2 milionë euro në vit.

Ndërsa, mesfushori shqiptar do të kalonte tek skuadra nga San Siro, e cila e kërkoi gjatë dimrit përfaqësuesin zviceran.