Napoli, 22 maj - Manchester City mund t\'i sigurojë shërbimet e sulmuesit Edinson Cavani nëse skuadrës së Napolit ia ofron në shkëmbim Edin Xhekon, njoftojnë mediumet italiane të martën.

City ka kohë që ka shprehur interesim për Cavanin, por Napoli nuk heq dorë nga kërkesa prej 63 milionë eurosh për lirimin e tij.

Cavani ka kontratë me Napolin deri në vitin 2017 dhe këtë edicion është shpallur shënuesi më i mirë në Serie A me 30 gola.

\"Ne jemi të interesuar për Xhekon dhe nëse City e ofron atë, atëherë mund të bëjmë lëshime për Cavanin. Xheko është tip i sulmuesit që po e kërkojmë dhe vetëm ai mund ta zëvendësojë Cavanin\", ka thënë presidenti i Napolit, Aurelio de Laurentiis.

Xheko po ashtu kërkohet edhe nga skuadra e Borussia Dortmundit.