Manchester, 30 shtator - Situatë aspak e këndshme te Manchester United ku Luis Nani duket se i ka ditët e numëruara.

Futbollisti portugez ka ngjallur zemërimin e trajnerit të \"Djajve të Kuq\" Sir Alex Ferguson për grindjen gjatë një seancë stërvitore me kapitenin e skuadrës të të rinjve, Petrucci.

Pas kontrastit mes të dyve, Nani e ka goditur me një grusht në fytyrë, ndërsa ashmë pritet vendimi i teknikut skocez dhe me shumë gjasa, ndeshjet e ardhshme portugezi do t’i ndjekë nga tribuna.

Luis Nani u përfol shumë gjatë merkatos së verës për një largim nga Old Traford por mesa duket merkaton e rradhës çdo gjë do të jetë më konkrete.