Milano, 27 maj - Sulley Muntari do të nënshkruajë kontratë dyvjeçare me Milanin – ka bërë të ditur agjenti i tij, Federico Pastorello.

Mesfushori ganez iu bashkua Rossonerëve në janar në formë huazimi nga Interi, ndërsa ka bërë paraqitje mbresëlënëse duke shënuar tre gola në 13 paraqitje në Serie A.

Muntarit i skadon kontrata me zikaltrit në fund të qershorit, ndërsa përfaqësuesi i tij ka konfirmuar se ai do ta zgjasë qëndrimin te Milani.

Muntari do të vazhdojë me Milanin në dy vitet e ardhshme. Rinovimi është thjesht formalitet dhe nuk do të ketë probleme”, ka thënë Pastorello për MilanNews.