Munich, 21 gusht - Spekulohet se ylli i Bayern Munich, Thomas Muller, është treguar i hapur për t\'iu bashkuar Manchester United këtë verë.

Ka kohë që Muller është i lidhur me një kalim në Old Trafford, pasi ish-trajneri i tij Louis van Gaal e dëshiron atë me çdo kusht edhe te ‘Djajtë e Kuq’.

Sipas të përditshmes gjerman ‘Bild’, besohet se sulmuesi 25-vjeçar i ka thënë miqve të tij se ai do të ishte i lumtur nëse do t’i bashkohej Bastian Schweinsteigerit në Angli.

Gjithsesi, për të transferuar sulmuesin e përfaqësueses së Gjermanisë nuk do të jetë aspak e lehtë për ekipin anglez, pasi çmimi i tij mendohet se është rreth 80 milionë euro.