Londër, 5 qershor - Gazeta katalanase “El Mundo Deportivo” jep lajmin e bujshëm se trajneri i ri i Chelsea, Jose Mourinho kërkon të marrë në skuadrën e tij sulmuesin e PSG, Zlatan Ibrahimoviç.

Në orët e fundit është përfolur se portugezi po ndjek edhe lojtarë të tjerë si Edin Dzeko dhe Stevan Jovetiç, ndërsa pritet largimi i Fernando Torres dhe Juan Mata nga Stamford Bridge.

Mourinho dhe Ibrahimoviç kanë punuar edhe më parë bashkë për një sezon te Interi dhe jo në pak raste, sulmuesi suedez ka folur me admirim për trajnerin portugez, që sapo është larguar nga Real Madrid