Barcelonë, 4 maj - Katalanasit janë akoma një ekip fantastik, ndoshta më i miri në 20 apo 30 vitet e fundit, por tani së fundi kanë pasur dy rezultate më pak të mira dhe të papritura me Bayernin
 
Jose Mourinho i ka habitur të gjithë në konferencën e tij për shtyp të premten, teksa ka thënë se “Barcelona është ekipi më i mirë në 20 apo 30 vitet e fundit”.

Më tej, portugezi ka nënvizuar: “Ne jemi krenarë që kemi thyer hegjemoninë mbarëkombëtare të Barcës.

Ndërkombëtarisht, ishte Interi që e bëri këtë. Katalanasit janë akoma një ekip fantastik, ndoshta më i miri në 20 apo 30 vitet e fundit, por tani së fundi kanë pasur dy rezultate më pak të mira dhe të papritura me Bayernin,” – tha trajneri i Realit.

Ai, gjithashtu, dërgoi një mesazh pa emër për Casilasin: “Problemet ekzistojnë kur ju mendoni se jeni mbi pjesën tjetër të ekipit, që përbëhet nga lojtarë të të njëjtit nivel. Unë nuk kam pasur ndonjë problem me askënd, por kam bërë zgjedhjet më të mira për ekipin.”

Gjithashtu, portugezi e bëri të qartë: “Unë nuk kam vendosur nëse do të largohem apo të qëndroj në drejtimin e Realit. Këtë gjë s’e dinë akoma edhe gruaja me fëmijët e mi.\"

\"Ajo çka mund të konfirmoj tani për tani është se kam edhe pesë ndeshje në kampionat dhe një finale përfundimtare të Kupës së Mbretit. Pastaj, kur të mbyllet sezoni, do të vendos për të ardhmen time në konsultim të plotë me presidentin. Si miq të mirë që jemi, do të ulemi dhe do të flasim me qetësi.\"

\"Unë kam të njëjtin profesionalizëm, kënaqësi dhe nder për të punuar në këtë klub edhe për një apo dy muaj,” – shtoi ai.