Milano, 30 korrik - Mesfushori italian i Milan Riccardo Montolivo këmbëngul se kuqezinjtë mbeten një ekip i fortë, pavarësisht largimit të Zlatan Ibrahimoviç dhe Thiago Silvas që u bashkuan me PSG.

\"Nuk mendoj se Milani ndodhet në vështirësi. Sigurisht që ky klub ka humbur dy lojtarë fenomenalë, por Milani ishte i fortë para mbërritjes së Ibrahimoviç dhe Thiagos dhe do të mbetet i tillë edhe me mungesën e tyre\", tha Montolivo.

Në lidhje me transferimin e tij, ish mesfushori i Fiorentinës u shpreh se Milani mund të kishte qënë destinacioni i tij që në fëmijëri por prindërit nuk e lejuan për të qënë sa më afër familjes. Montolivo rrëfeu se u rrit me të rinjtë e Atalantas, edhe pse babai i tij ishte tifoz i Milanit.