Prishtinë, 17 maj - Ka nisur rreth orës 9:30 të mëngjesit të djeshëm vizita e parë e Ricardo Montolivos si futbollist kuqezi.

Mesfushori që pritet të firmosë me Milanin në ditët e ardhshme, ka mbërritur në Milano në orën 9:30 të mëngjesit dhe, i shoqëruar nga mjeku Stefano Mazzoni, ka vizituar spitalin \"Busto Arsizio\", ku 27-vjeçari përveçse ka parë nga afër ambientet e tij i është nënshtruar disa analizave ortopedike dhe okulistike, të cilat përfunduan rreth orës 13:00.

Pas tyre, ai është transferuar në Milanello ku blerja e re kuqezi ka zhvilluar disa teste atletike dhe fizike falë të cilave stafi mjekësor i Milanit ka kërkuar të marrë të dhënat e para lidhur me gjendjen e lojtarit, që prej më shumë se një jave vuan edhe një dëmtim muskulor.

Ndërkohë Milan zyrtarizon edhe blerjen me kosto të Bakary Traore nga Nancy. Mesfushori afrikan do të jetë deri në 30/06/2015 ndërsa Ricardo Montolivo deri në 30/06/2016.