Madrid, 10 qershor - Luka Modriq ka insistuar se nuk e ka ndërmend që të largohet nga Real Madridi edhe pse për të së fundmi ka shfaqur interesim Chelsea.

Mediet në Angli kanë shkruar se Jose Mourinho e dëshiron në ekipin e tij por reprezentuesi kroat ka thënë se e ardhmja e tij është në Real Madrid edhe pse ka thënë se atij i pëlqejnë metodat trajnimit nga Mourinho.

“Nuk jam as duke menduar për një largim nga Madridi këtë verë, por kanë shprehur interesim disa klube”, ka thënë ai për The Sun.

“Çdo fëmijë që luan futboll ëndërron që të luajë për Real Madridin. Kjo ndodhi edhe me mua”, shtoi Modriq.

“Natyrisht isha i mërzitur kur Mourinho u largua. Ai ishte njëri nga ata që insistoi në transferimin tim në Madrid. Ai është një trajner fantastik dhe ndjehem i nderuar që kam punuar me të”, përfundoi kroati.