Madrid, 16 korrik - Bisedimet mes përfaqësuesve të Real Madridit dhe Tottenhamit rreth transferimit të Luka Modric janë në fazën finale raporton Marca.

Sipas gazetës spanjolle, Spursat kanë refuzuar ofertën prej 40 milionë eurosh të Los Blancos, ndërsa ekipi negociues i klubit mbretëror ka ofruar një variant që të paguajë fillimisht 35 milionë dhe shtatë milionë të tjera në raport me paraqitjen dhe trofetë që do t`i fitojë kroati me fanellën e Realit.

Nga ana tjetër, Marca njofton se mesfushori ka arritur marrëveshje personale me punëdhënësin e ri, ku do të përfitojë rreth 4.5 milionë euro në sezon (në rang me Xabi Alonso, Karim Benzema dhe Mesut Oezil).