Prishtinë, 19 mars - Ministria e Kulturës, Rinisë dhe Sportit (MKRS) organizon sot ceremoninë e ndarjes së shpërblimeve për sportisten Gentiana Beqa dhe trajnerin e saj Elvin Beqa.

Shpërblimet ndahen me motivacionin për fitoren e Medaljes së Artë nga sportistja Beqa në Kampionatin e Bodybuildingut dhe Fitnesit mbajtur në Biarritz të Francës.

Gentiana Beqa do të pranojë shpërblimin dhe cekun prej 10,000 euro ndërkaq trajneri i saj shpërblimin dhe cekun në vlerë prej 5,000 euro.