Prishtinë, 21 qershor - Ministria e Kulturës, Rinisë dhe Sporti, në një ceremoni të organizuar sot në kabinetin e ministrit Kujtim Shala, dha licencat për Federatën Bjeshkatare Alpiniste të Kosovës dhe Federatën e Minigolfit të Kosovës.

Ministri Kujtim Shala i përgëzoi drejtuesit e këtyre dy federatave për punën dhe përmbushjen e kritereve për licencim, dhe u shpreh se ky akt është i rëndësishëm, sepse i rregullon marrëdhëniet ndërmjet MKRS-së dhe federatave, dhe në të njëjtën kohë hap rrugën për procesin tjetër të bashkëpunimit ndërmjet MKRS-së dhe federatave.

Drejtuesit e federatave të licencuara e falënderuan ministrin Shala për bashkëpunimin dhe mbështetjen e vazhdueshme, dhe u zotuan se ky bashkëpunim do të vrazhdojë edhe në të ardhmen, në funksion të zhvillimit dhe të avancimit të këtyre dy federatave.