Milano, 4 korrik - Claudio Marchisio është alternativa e Milanit për Marek Hamsikun.Drejtuesit e Milanit kanë konfirmuar se kërkojnë përforcime për mesfushë, e sidomos në krahun e majtë.

Objektivi i tyre kryesor ishte Hamsik, por Napoli kërkon 50 milionë euro për yllin sllovak.

Ndërsa e përditshmja sportive italiane, Tuttosport ka njoftuar të dielën se Milan ka kthyer vëmendjen tek ylli i Juventusit, Marchisio.

Për momentin ai është titullar tek Juventusi, por thuhet se nuk përshtatet në taktikat e trajnerit të ri Antonio Conte.