Milano, 18 gusht - Alarmohet Milani, pasi përmes faqes zyrtare, klubi kuqezi ka njoftuar se Zlatan Ibrahimovic ka pësuar një ndrydhje të nyjës së këmbës së majtë, i njëjti lëndim i pësuar në ndeshjen e fundit të kampionatit që shkoi.

Për këtë, sulmuesi suedez do të mungojë në ndeshjen e parë të kampionatit kundër Cagliarit.

\"Milani njofton se Zlatan Ibrahimovic kishte një vizitë për t′u kontrolluar në nyjën e majtë\".

\"Diagnoza konfirmoi një ndrydhje të shkallës së parë. Ai mund të mungojë dy javë\", konfirmon klubi italian.